Aste honetan Behotsik gazte orkestrak ‘Boulevard’ saioko hiru momentu hautatu ditu haiei musika jartzeko.
Unai Ibáñezek, eguneko irabazle izan dena, Tolosan zabaldu duten lehen euskal zirkoari buruz Iker Galarzari egin dioten elkarrizketari musika jarrio dio.
Borja Mollák politika aukeratu du Unai Rementeriaren, Bizkaiko Foru Aldundiko ahaldun nagusiaren hitzei musika jarriz.
Ioritz Madariagak kirola hautatu du berriz ere, JonFer boxeolari “Invictusari” egindako elkarrizketa hain zuzen ere.
Aurten Behotsik Gazte Orkestraren erronkak aste osoko Radio Euskadiko momentuei musika jartzea du helburu. Lehen aldi honetan Ioritz Madariaga irten da garaile entzuleen 5 boto izan dituelarik. Kirol erredakzioko Alberto Negrok Yeray Álvarezen sendatzearen berri ona kontatu zuen momentua gogoratu du.
Puntuazio totalean Borja Mollák hiru boto ditu eta Unai Ibañezek bakarra.
Behotsik gazte orkestrako kideak Graffitiko ostiralen parte izatera itzuli dira. Erronka eta asmo berriak dakartzate kutso berrirako. Radio Euskadiko momentu adierazgarrienak lotuko dituzte musikaren bitartez. Gainera, entzuleak sekzio honetako parte aktiboa izango dira. Honela azaldu digute Unai Ibáñez eta Borja Mollák.
Behotsikek beraien lotura musikal bereziak egiten jarraituko du. Aurten objektuak erlazionatuko dituzte. Datorren astean musika erabiliko dute palangana eta graffiti bat lotzeko.