Pasa den ostiralean denboraldiko azken saioa izan genuen Radio Euskadiko Graffitin, eta eskerrak ematea baino besterik ezin dugu egin!
-
Behotsiken azken erronka handia
Unai eta Borjak, Behotsik Orkestrako kideak, beraien kurtso honetako Graffitiko saioa handitasunez bukatu dute. Izan ere, Galder Pérezek aukeratu zituen lau abestien arteko erlazioa aurkitzea lortu zuten: Backstreet Boysen Everybody, Pirritx, Porrotx eta Marimototsen Maite zaitut, Gipsy Kingsen Volare eta Leroy Andersonen Idazmakina.
-
Zer harreman dute Negu Gorriak eta Ryuichi Sakamotok?
Bidaia internazionala, Euskal Herritik hasi, Indiatik pasatu Japoniara heltzeko, da Behotsik aste honetarako proposamena. Eta datorren asterako erronka zailagoa izango da, izan ere, Galder Pérezek lau abesti proposatu dizkie beraien artean lotura bat aurkitzeko. Backstreet Boysen Everybody, Pirritx, Porrotx eta Marimototsen Maite zaitut, Gipsy Kingsen Volare eta Leroy Andersonen Idazmakina dira aukeratutakoak.
-
Zer harreman dute Federico Chueca eta Fangoriak?
Beraien asteroko atalean Unai eta Borjak Federico Chueca eta Fangoriaren arteko ibilbidea egin zuten. James Dean aktoretik eta ‘Erraldoiak’ pelikulatik pasa eta gero, beraien erronka musikala gainditzea lortu zuten aste bat gehiagoz.
-
Muse eta Hiru Tenoreak, Behotsikekin
Rock musikatik operara. Hori da Behotsik orkestrako Borja eta Unairi jarri genien erronka, zein ohorezko matrikularekin gainditu duten. Muse rock talde britainiarraren Survival abestitik hasita, Hiru Tenoreak osatzen duten Luciano Pavarotti, José Carreras eta Plácido Domingorenganaino heldu arte.
Eta datorren asterako: Fangoria eta Federico Chueca! Lortuko al dute?
-
Itoiz eta Mussorgsky, Behotsik etxe bat eraikitzen
Unai Ibáñez eta Borja Mollák, Behotsik gazte orkestrako kideak, Itoizen musika Modest Petrovich Mussorgsky errusiar konpositorearenarekin lotu dute aste honetan. Eta partitura batekin egin beharrean, plano bat sortuz egin dute. Bi puntu musikalak lotzen dituen etxe bat. Teilatutik eraikitzen hasi zuten etxea.
-
Raffaella Carrà eta John Williams, Behotsiken loturarik ‘bromazaleena’
Ostirala da eta Behotsik Graffitira dator beraien beste lotura bat egiteko: kasu honetan, Raffaella Carrà italiarra eta John Williamsen artekoa. Eta oraingoan are eta bereziagoa da, izan ere, Ioritz Madariagak, hirukote kolaboratzailearen parte, agur esaten du, nahiz eta berak esan duen moduan, agurra ez den, gero arte bat baizik.
Eta beste era batera ezin izango zenez, Graffitin barre eta negarraren arteko agurra prestatu diogu.
