Behotsik

Jatorrizko artikulua hemen

Beste aste batez Borja Mollák bere burua hobetu du lotura musikalarekin; aste honetan balea, Nerbioi ibaia eta sumendia lotu behar zituzten, tartean Franco bera agertu delarik. Borja, ordea, azkena gelditu da aste honetako entzuleen bozketan. Irati Jiménezek Lincolnen hitzaldia irakurtzen zuen momentua aukeratu du, zeini  Gettysburg filmaren soinu banda jarri dion, hain zuzen ere.

Ioritz Madariagak Argentinan abortuaren despenalizazioaren berri ekarri du, Tchaikovskyren 1812 Oberturarekin erlazionatuz. Unai Ibañezek Gure Esku Dagok Gasteizeko tabernetan egindako diru-bilketaren inguruko polemikarekin irabazi du, Itziarren Semeak taldearen Todo es ETA jarri diolarik.

Egun erabakigarri honen ondoren, Unai lau botorekin gelditu da. Asier Lemosek jarraitzen dio hiru botorekin. Atzealdean, berdinduta, Ioritz Madariaga eta Borja Mollá daude, bakoitzak bi botorekin.

Datorren asteko erronka komuneko papera, botoi bat eta sudurra musikaren bitartez lotzea izango da.

Jatorrizko artikulua hemen

Aste honetan Unai Ibáñez irabazlea izan da, Asier Lemosekin hiru puntutara berdinduz. Unaik Kiss taldearen musika jarri dio skate eta bideo jokoen bere oroitzapenei. Lemosek, bere aldetik, ozeanoei buruzko haurrentzako abesti txepel bat ekarri du gai honetaz hitz egiteko. Borja Mollák ironia erabili du zoritxarrez hain ezaguna bihurtu den Osakidetzako LEPari musika jartzeko. Pedro Pastorren Ja, no te lo crees ni tú abestia jarri dio. Borja, Ioritzekin batera, atzean gelditu da bi punturekin.

Datorren astean musikalki lotuko dituzte balea, Nerbioiko ur jauzia eta sumendia.

Jatorrizko artikulua hemen

Ioritz Madariaga eta Unai Ibáñezek Rajoy edo zentsura-mozioari buruz hitz egin duten momentuak aukeratu dituzte. Unaik Bon Joviren musika jarri du. Ioritzek, ordea, Beethoven aukeratu du.

Borja Mollák bere asteroko hautaketarako momentu graffitero bat ekarri du, non Jaime Calderón ilustratzailearekin Valois komikiari buruz hitz egin genuen. Erdi Aroko komiki honentzako musika aukeraketa Bourreé D’Avignonezen obra bat izan da.

Marsellesaren parodia batekin museo bat, elefante bat eta maiatzeko hilea elkartu ondoren, datorren asterako erronka lantza bat, amildegiak eta mendebaldea musikaren bidez lotzea izango da.

Puntuazioari dagokionez, Unaik irabazi du aste honetan, bi punturekin Ioritz Madariaga eta Borja Mollárekin parean doalarik. Asier Lemosek buruan jarraitzen du hiru punturekin.

Jatorrizko artikulua hemen

Unai Ibáñezek lortu du entzuleek ematen duten asteroko puntua. Boto guztiak berarentzat izan dira maiatzaren 17an, LGTBI-fobiaren kontrako eguna dela eta, ‘Graffiti’n Gasteizko Lumagorri Elkartearekin izan genuen elkarrizketari jarri dion abestiarekin. Lady Gagaren Born this way aukeratu zuen. Espetxeetako instituzioetako funtzionarioen protestek Asier Lemos inspiratu zuten Bruce Springsteenen klasiko bat aukeratzeko.

Erritmo latinoen bidez kable bat, adiskidetasuna eta laku bat lotu ondoren, datorren astean erronka gainditzen saiatuko dira museo baten, elefante baten eta maiatzeko hilearen loturarekin. Sailkapenari dagokionez, Asier Lemosek buruan jarraitzen du hiru punturekin, Borja Mollá eta Ioritz Madariagaren aurretik, bakoitzak bi puntu dituelarik, eta atzealdean Unai, baina jada puntu batekin.

Jatorrizko artikulua hemen

Borja Mollák Graffitira itzultzean modu bikainean azaldu zituen bere hautaketen argumentuak eta entzuleen goraipamenak jaso zituen. Alde batetik Serie B atal graffiteroa ekarri zuen non Mikel Zumetak filme txarrei buruz hitz egin zuen. Horretarako Stravinskyren La Consagración de la Primaverako zati bat ekarri zuen, La procesión de los sabios hain zuzen ere, bere garairako berrikuntza izan zena.

Borjak rugby finalen harira Ze Esateken Ongi etorri, Mr. Marshall abestia jarri zuen Asier Lemosekin bi puntutara berdindu zuen. Unai Ibáñezek irribarretsu darrai azken postuan. Aste honetan Hemendik At taldearen musika ekarri du Elixabete Legardaren Vivir Para Ver saioko momentu baterako, non Jokoteknia jaialdiari buruz hitz egin zuten.

Puntuazioan Lemos dago buruan hiru punturekin, Mollá eta Madariaga ondoren bakoitzak bi puntu dituelarik. Unaik zero punturekin jarraitzen du. Datorren asteko erronka adiskidetasuna, kable bat eta aintzira bat lotzea izango da.

Jatorrizko artikulua hemen

Ioritz Madariagak Mollák berak erakutsi zion Eurovision lehiaketako abesti bat eskaini dio. Unai Ibáñezek karaoketan abesten duen abesti bat jarri dio eta Asier Lemosek Izaro abeslariaren alde egin du. Bere aldetik, Galderrek ere abesti oso berezi bat dedikatzea erabaki du.

Jatorrizko artikulua hemen

Borja Mollák saioa zuzenean uztea erabaki du patinete, eguzki eta konfetiaren arteko lotura azaltzea galarazi diotela argudiatuz. Hori baino lehen denbora izan du lege lehorreko garaiko abesti bat ekartzeko artisau-garagardoaren inguruan hitz egiteko.

Unai Ibáñezek Beatlesen musika jarri du, Hello, goodbye abestia hain zuzen ere, Cifuentes momentuarentzat. Ioritz Madariagak Kortaturen Mierda de ciudad jarri du ‘La Manada’ren epaia eta Altsasuko gertaerekin erlazionatuz. Azkenik, Asier Lemosek Kaotikoren Rico reprimido abestia hautatu du, pentsiodunei eskainiz.

Bozketan Ioritz Madariaga irten da garaile, Asier Lemosekin berdinduz bi punturekin. Borja Mollák, laster itzultzea espero dugularik, puntu batekin jarraitzen du eta beti irribarretsu dabilen Unai Ibáñezek punturik gabe.

http://www.eitb.eus/es/radio/radio-euskadi/programas/graffiti/detalle/5546108/behotsik-une-guija-estoicismo-arena-danza-sable/

Asier Lemos txapelduna izan da trenbideen bilakaerari buruz hitz egiten zuen ‘Boulevard’eko momentu batekin, zeini Barnaked Ladiesen musika jarri dion Big Bang abestiarekin. Borja Mollák asteko momentu graffiteroetako bat ekartzea erabaki du: Irati Jiménez Houdini handiari buruz hitz egin zuenekoa. Mollák Disneyk soinu banda moduan erabili zuen obra jarri dio, Paul Dukasen El aprendiz de brujo. Azkenik, Unai Ibáñez, atzekaldean 0 punturekin jarraitzen duelarik, pertsonek sortzen dugun plastiko gehiegikeriaren inguruan mintzatu da, ‘Ganbara’ko momentu baten bildua. Horretarako REM taldearen It’s the end of the world abestia erabili du.

Asier Lemosek buruan jarritzen du, orain bakarrik bi punturekin. Bigarren postuan berdinduta Borja Mollá eta Ioritz Madariaga. Eta, lehen esan dugun moduan, Unai erratz-autoa da, baina irribarrea galdu barik. Punturik gabeko motxila eramateak suposatzen duena izango da…

Datorren astean Behotsik Gazte Orkestra patinete bat, eguzkia eta konfetia abesti bakar batekin lotzen ahaleginduko da.

http://www.eitb.eus/es/radio/radio-euskadi/programas/graffiti/detalle/5526153/el-baile-griego-behotsik-botella-oso/

Aste honetan Ioritz Madariaga irten da garaile Boulevardeko momentu bat aukeratuz, non Jesús Torquemadak Siriako gerrari buruz hitz egiten zuen eta zeineri “13 días” filmearen soinu banda jarri dion. Unai Ibáñezek ere Boulevardeko momentu bat ekarri du, kasu honetan Club Creativosen topaketari buruzkoa, eta Arnau Griso katalanen Para que el mundo lo vea abestia erabili du. Borja Mollák Idurre Eskisabelek Graffitin Zuberoako hartzen polemikaren inguruan hitz egin zuenekoa hautatu du, zeini Stravisnkyren Petruska Balleta jarri dion. Azkenik, Asier Lemosek Fuera de Juegon Xabi Prieto errealzalearen agurraren inguruan Andoni Iraolari eginiko elkarrizketa erabili du. Queen taldeak jarri dio soinu banda futbolari beraien Show must go on abestiarekin.

Ostiral honetako Madariagaren garaipenarekin, Ioritz berdinduta dago Lemos eta Mollárekin, bakoitzak puntu bana duelarik. Bitartean, Ibáñez jauna azkena doa, punturik gabe, baina beti irribarretsu.

http://www.eitb.eus/es/radio/radio-euskadi/programas/graffiti/detalle/5526172/timos-filatelicos-peleas-reales-chilena-cristiano-ronaldo/

Ostiralera bezala, los jóvenes de la Orquesta Behotsik Orkestrako gazteek Radio Euskadiko programazioko momentu desberdinak berreskuratu dituzte eta dagokien musika jarri diete. Gaurkoan, Borja Mollák Forum Filatelikoaren auzia hautatu du. Asier Lemosek, aldiz, Sofía Erregina eta Letizia Erreginak Mallorcako katedralean izan zuten hizka-mizka ekarri du, eta azkenik, Unai Ibáñezek Champions Leaguen Turingo Juventusen aurka Cristiano Ronaldok sartu zuen txilena gola aukeratu du.

http://www.eitb.eus/es/radio/radio-euskadi/programas/graffiti/detalle/5483502/borja-molla-vencedor-trimestre-reto-orquesta-behotsik/

Aste honetako irabazlea Asier Lemos izan da, ‘Graffiti’-n Lourdes bere ama elkarrizketatu zuten momentua gogoratuz. Izaroren Paradise abestia jarri dio. Unai Ibáñezek Arraza Diskriminazioaren Kontrako Eguneko debateko hitzak ekarri ditu, Michael Jacksonen Black or White abestiarekin lotu dituelarik. Borja Mollák, Irati Jiménezek Troyako Palmondoari buruz hitz egin zuenekoa ekarri du, tenore eta soprano baten arteko orgasmo musikala jartzeko.

Aste honetako erronka freskagarri poto bat, inbidia eta Erromako hiria lotzea zen, eta horretarako The Young Pope telesailaren soinu banda erabili dute.

Hurrengo erronka garabi bat, Marte eta Jesús Gil musikaren bidez lotzea izango da.

http://www.eitb.eus/es/radio/radio-euskadi/programas/graffiti/detalle/5473130/la-actualidad-semanal-musica-joven-orquesta-behotsik–/

Asier Lemosek, aste batez atseden hartu eta gero, fake news berrien identifikazioari buruzko momentu bat ekarri du, zeini  Rolling Stonesen musika jarri dion. Unai Ibáñezek ere talde honen musika erabili du Bilboko Udalaren mugikortasun planari soinu banda jartzeko.

Borja Mollák, asteko puntua lortzeaz gain, mundu guztia harritu du azukrerik gabeko elikagaiak aurkitzeko zailtasunaz hitz egiten zuen ‘Ganbara’ko momentua Indiana Jonesen Soinu Bandarekin loturaren zergatia arrazoitzeko azalpenekin. Modu berdinean bere burua hobetu du Mafalda, wind surfa eta arte barrokoa musikarekin elkartuz. Horretarako, Astor Piazzolaren La muerte del ángel erabili du.

Modu honetan Boja Mollá buruan doa 5 punturekin, Unai Ibáñez laurekin eta atzekaldean Asier Lemos eta Ioritz Madariaga bakoitzak puntu bana duelarik. Datorren asterako erronka freskagarri poto bat, inbidia eta Erromako hiria lotzea izango da.

http://www.eitb.eus/es/radio/radio-euskadi/programas/graffiti/detalle/5458182/musica-dinerito-pandereta-mariposa/

Aste honetan Behotsik Gazte Orkestraren erronka dirua duen gutun-azala, pandereta eta tximeleta bat lotzea zen. Desafioa gainditu dute Taburete taldea eta beraien Mariposas abestia erabiliz.

Gaur puntuz berdindu dute Borja Molla eta Unai Ibáñezek. Borjak migranteei buruzko elkarrizketa soziala aukeratu du, zeini Jack Careyren The Emigrants Story jarri dion, beraien etxea utzi behar duten pertsonei eskainitako abesti irlandar bat hain zuzen ere. Unaik hautatutako EiTB Focusi buruzko elkarrizketa politikoa LMFAO taldearen I’m sexy and I know it abestiarekin amaitu da.

Modu honetan, Borja Mollák eta Unai Ibáñezek lau puntu dituzte. Bitartean, atzean geratzen dira Ioritz Madariaga eta Asier Lemos puntu bakarrarekin.

http://www.eitb.eus/es/radio/radio-euskadi/programas/graffiti/detalle/5437817/musica-vuela-suenos-concierto-economico/

Borja Mollák lortu du aste honetako entzuleen botoa bere proposamena eta historia klasearekin. Aukeratu duen Radio Euskadiko momentua Dani Álvarezek Boulevard saioan kontzertu ekonomikoaren 140. urteurrenari buruz hitz egin duenekoa izan da. Horretarako Trágala, perro izeneko Cádizko koplilla bat erabili du. Unai Ibañezek bere aldetik Graffiti saioko momentu bat hautatu du zeinetan Ziortza Karranza amestearen garrantziaz mintzatzen zen, zeini Lennonen Imagine abesti mitikoa jarri dion.

Eguneko sorpresa Mazinger Z, maraka batzuen eta ordenagailu baten teklatuaren arteko erlazioarekin etorri da. Horretarako Vladimir Putin goraipatzen duen eta Ukraniak irabazi zuen urteko Eurovisión lehiaketarako proposatua izan zen errusiar abesti bat aukeratu dute.

Datorren asterako tximeleta, pandereta eta dirua duen gutun-azal bat lotuko dituzte.

Aste honetako topaketaren ondoren, Borja Mollá eta Unai Ibañez berdinduta daude bakoitzak hiru puntu dituelarik, eta Ioritz Madariaga y Asier Lemosek jarraitzen diote bakoitzak puntu bakarrarekin.