Jatorrizko artikulua hemen
Borjak eta Josebak, Behotsik orkestraren izenean, Musika Izaren Azpian atalaren entrega berria ekarri digute, non Elisabeth Jacquet de La Guerre konpositorearen poztasun eta malurak ezagutuko ditugun.
Konpositoreak Luis XIV erregea liluratu zuen, zeinek artista moduan izan zuen goren unean lagundu zion, baina dena ez zen poza izan. Behin ezkondu zela, bere bizitza guztiz aldatu zen.
Jatorrizko artikulua hemen
Mozart berri bat ezagutu ezazu musika klasikoa inoiz ikusi ez dugun modu batean aurkezten digun atal bikain honekin.
Jatorrizko artikulua hemen
Behotsik orkestrak Johannes Brahmsen aurpegi desberdina eraskuten digu. Solasaldi arrosen erara, musika klasikoa barruko arropa jantzita atalaren entrega berria.
Jatorrizko artikulua hemen
Konpositore barrokoak uste baino askoz informazio gehiago ezkutatzen zuen izaren azpian. Anna Magdalena bere bigarren emaztearekin bakarrik hamahiru seme-alaba izan zituen.
Behotsikek musika klasikoa perspektiba dibertigarrienetatik erakusten jarraitzen du.
Jatorrizko artikulua hemen
Berriz ere ahoan bilorik gabe, musika klasikoaren konpositore handi baten trapu zaharrak aterako dituzte. Gaur Bach handiaren txanda da.
Vivaldiren dizipulua izan zen. Protestantismoaren garaian, musika mezu jainkotiarren esanetara egon zen, ebanjelioa entzun zitekeen zeozer bilakatuz. Baina gaur ez dugu ikusiko nola idatzi zituen Bachek bere himno handiak. Bere trapu zahar guztiak agerian geratuko dira…
Bueltan gatoz. Agertokietara bueltan gatoz. Pasa den martxoaren 7an Bilboko Musika – Música jaialdian gure azken kontzertua eman ondoren, musika egingo dugu berriro, zuen aurrean. Ekainean ospatu behar zen Bilboko Gau Zurian parte hartuko dugu, oraingo honetan Bilboko Udalak antolatutako #BilbaoUdazkena2020 ekimenaren barruan, asteburu honetan emango ditugun kontzertu multzoarekin.
Bilboko Udalak, COVID-19 delakoaren pandemiak gehien eragin duen lanbideetako bat den kultura-sektoreari laguntzeko apustuarekin jarraituz, #BilbaoUdazkena2020 kultura-ekimenaren barruan, hainbat ikuskizun antolatu ditu udagoieneko asteburuetako gauetarako: musika, argiak, antzerkia, dantza eta historia, Bizkaiko hiriburuko hainbat tokitako protagonista.
Ostiralean, hilak 2, eta larunbatean, hilak 3, Udalak zazpi ikuskizun antolatu ditu musika, argiak, antzerkia, dantza eta historiarekin, uriko hainbat gunetan banatuta: Eleiz Museoa, Enkarnazio Eliza, Zabalguneko eraikina, Azkuna Zentroa, Euskalduna Jauregia eta Guggenheim Bilbao Museoa.
Ikuskizun horien artean, Hiri Baten Sinfonia dago, Bilboko Euskalduna Jauregian ospatuko dena, zeinetan ilusio handiz parte hartuko dugun. Bertan, zuzenean interpretatuko dugu Dvoraken Mundu Berriaren sinfonia, eta Bilborik arruntenaren irudiak proiektatuko dituzte.
Ikuskizunak 15 minutuko iraupena izango du, eta emanaldiak egongo dira ostiral eta larunbatean, 20:30ean, 21:30ean eta 22:30ean. Saioa bakoitzak 200 pertsonako edukiera izango du, eta beharrezkoa izango da sarrera aurkeztea. Sarrerak doakoak dira eta 657 595 575 eta 688 689 000 telefonoetan edo Euskalduna Jauregiko eta Guggenheim Bilbao Museoko webguneetan eska daitezke, urriaren 1etik aurrera.
#BilbaoUdazkena2020 garatzeko, osasun-agintariek unean-unean ezarritako segurtasun-protokolo guztiak jarraituko dira, eta zorrotz aplikatuko dira kultura- eta jai-ekitaldiak egiteari, osasun publikoa bermatzeko beharrezkoak diren mugei eta espazio publikoan aire zabaleko jarduerak nahiz ekitaldi jendetsuak egiteko pertsona kopuruari buruzko gomendioak. Hori guztia, kultur eragileek eta ekitaldi guztietako ikus-entzuleen segurtasuna bermatzeko asmoarekin.
Espero dugu ostiralean edo larunbatean berriro elkar ikustea, segurtasun neurri guztiekin, eta bizitza honetan beharrezko dugun honetaz gozatzea, musikaz gozatzea, kultura ere segurua dela frogatuz. Laster arte!
Polita da egiten duzun lana baloratzen dizutenean, eta horregatik, pozez zoratzen gaude berri honekin. Bertatik Bertara 2020 programan aurkeztu dugun Iparraldeko Haizeak proiektua aukeratu dute urtero ematen duten laguntza jasotzeko. 2020ko abenduan bi kontzertu emango ditugu Coro Joven de Santander abesbatzarekin batera, bana Santanderren eta Bilbon, musikaren bitartez industria-iraultza ezagutuko dugun ikuskizunarekin.
2016. urtetik aurrera, Bilboko Udalak, Kultura Sailaren bidez, eta Santandarreko Udalak, Santander Creativa Fundazioaren bidez, bi hirietako kulturaren alorrari bultzada eman eta babesa erakusteko, Bertatik Bertara laguntza programa antolatu izan dute. Horrela, urtero 40.000 euro bideratzen dituzte bi hirietako diziplina artistiko desberdineko eragileek diseinatutako proposamenak posible egiteko.
Duela pare bat hilabete, aurtengo Bertatik Bertara 2020 programa honetan parte hartzea erabaki, eta Coro Joven de Santander abesbatzarekin harremanetan jarri ondoren, Iparraldeko Haizeak ikuskizuna prestatu genuen.
Proiektuak musika-ikuskizun berritzaile bat aurkezten du, musika haritzat duen historia baten bidez industria-iraultza aurkitzera daramana. Antzerki musikala, zartzuela eta folklorea uztartzen dituen ikuskizuna Santanderren girotuta dago 1892an, eta Mikel gaztearen istorioa kontatzen du. Mikel Santanderreko badian hondoratzen den euskal arrantza-ontzi batetik bizirik atera den bakarra da. Abentura ugari biziko ditu XIX. mendearen amaierako industria-gizarte hasiberrian.
Joan den uztailaren 21eko bilera telematikoan, Bilboko Udaleko eta Santander Creativa Fundazioko ordezkariek osatutako epaimahaiak lau proiektu aukeratu zituen. Horien artean, eta lehenengo postuan, gure proposamena. Horrela, 10.000 euroko laguntza jasoko dugu proiektua aurrera eramateko eta hiri bakoitzean emango dugun kontzertu banaz gain, mahainguruak antolatzeko.
Iparraldeko Haizeak ikuskizunaren bi kontzertu egingo ditugu urte amaieran, bana hiri bakoitzean, beti ere Covid-19ak sortutako osasun egoerak ahalbidetzen badu. Kontzertu bakoitzaren aurretik, mahaingurua egingo da hiri bakoitzeko adituekin, ikuskizunean gertatuko den guztia ulertzeko aukera emateko.
Gure ondoan Coro Joven de Santander abesbatza izango dugu. César Marañónek zuzendutako abesbatza hau, kalitatezko gazte abesbatza bat eratzeko eta Kantabriak zeukan gabeziarekin amaitzeko helburuarekin jaio zen 2017an.
Beraz, prestatzen ari garen Iparraldeko Haizeak ikuskizunaren parte izango diren kontzertu eta mahainguruen data eta tokien berri izan nahi baduzu, adi egon zaitez gure sare sozialei. Espero dugu osasun egoerak proiektua aurrera eramateko aukera ematea, eta Bertatik Bertara 2020 programan saritua izan den Iparraldeko Haizeak zuengana heltzea.
Jatorrizko artikulua hemen
Behotsik Tours bidaia agentziak menu grekoa zerbitzatzen digu, eta altxor batekin hasten dira: musika Periclesen garaian entzuten zuten moduan. Autorea: Cretako Mesomedes eta obra: Némesisen himnoa. Garai haretatik mantendu diren konpositore honen epigrametako bat da. Jarraian, gure musikariek sirtakiaren erritmora dantzarazten digute, Anthony Queen protagonista den Zorba grekoa filmerako espresuki konposatu zutena, nahiz eta hain ezaguna egin da zeinen Grezoako folklorearen parte bilakatu den. Ondoren, Mikis Theodorakisek idatzitako musika klasikoaren ikutu bat eta, postre moduan, Greziak 2005ean Eurovisión jaialdia irabazteko aurkeztu zuen abestia.
Jatorrizko artikulua hemen
Lehenengo geldialdi honetan Hego Amerikara bidaiatuko dugu. Kolonbian lurra hartzen dugu currulaoa ezagutzeko, jatorri afrikarra duena. Kolonbiar Karibetik porroa heltzen zaigu, eta Andeetako eskualdean bambucoa dantzatzen da. Venezuelan La gaita de Santa Lucía aurkitu dezakegu, baita Fuga con pajarillo ere, musika klasikoa folklorearekin batzen duena, eta calipsoaren eredu bat. Unai Ibáñez eta Karmele Elizaranekin egon gara.
Jatorrizko artikulua hemen
Dena paketetan gordeta dutelarik, kurtsoaren nondik norakoa aztertzea dagokie Behotsik orkestrakoei. Hile hauetan zanfoña, sitarra, Paraguaiko arpa baita organoa ere ikusi ditugu, azken hau tutuz tutu desmuntatu behar izan dena enbalatu ahal izateko. Konfinamenduaren kurtsoa izan da hau, zeinetan Unai Ibáñez eta Borja Mollák Leningradoko sitioari omenaldia egin zioten. Baina instrumentu guztiak ez daude gordeta. Berezi bat geratzen da Galderrentzat: pandereta.
Jatorrizko artikulua hemen
Barrokoan organoa nonahi dagoen instrumentua da: ezin da erlijio-musika ulertu instrumentu hau gabe. Biraderadun organora joaten bagara, kirolean erabiltzen dela ikusi dezakegu, beisbol taldeak animatzeko hain zuzen ere. Baina alde iluna ere badu, izan ere, organoak bilauaren sarrera iragartzeko balio du. Zentzu honetan, Operako Mamuko obertura argi antzeman daitekeen obra da. Hau da gaur Behotsiken musika dendan eskuratuko dugun instrumentua.
Pepi Labrador Radio Euskadiko Bakarrizketa Lehiaketaren III. edizioan irabazlea izan da. Bartzelonako umorista honek 2000 euroko saria lortu du Algo Pasa con Pepi bere bakarrizketarekin.
Entzuleek Iñigo de Lascoitiren El crossfit, la nueva normalidad hautatu dute, webguneko 2255 bozkarekin. Iruñeako monologistak 500 euro eraon ditu etxera.
Gainerako finalistak Raquel Torres bilbotarra, Eñaut Zuazo gasteiztarra, Txiki donostiarra eta Hernaniko Noemí Cupido izan dira, Soy selfinómana, Ya no quedan nombres como los de antes, Zu eta zure kuadrila 40 urtekin eta Llorar en público bakarrizketekin hurrenez hurren.
Saioa Segio Arrospide eta Galder Pérezek zuzendu dute, eta aurreko edizioetako monologista irabazleen (Gemma Martínez e Ibon Belandia) parte hartzea izan du, baita Behotsik & Nerea Alberdiren emanaldi musikalak ere, Dj lanetan egon den Miren Narbaizarenaz gain. Epaimahaia Imanol Ituiño mago eta aktoreak, Mery Urcelay aktoreak eta Mikel Zumeta kritikoak osatu dute.
Jatorrizko artikulua hemen
Gaur Unai Ibáñezekin batera Asier Lemos trikitilaria etorri da. Instrumentu hau jotzen duten gazteetako bat da Asier. Leon, Maurizia eta Basilio ahaztezinek arin arina dantzarazi ziguten beraien trikiti, alboka eta panderoarekin. Tapia eta Leturia instrumentuaren iraultzarako beharrezko zubia izan ziren. Eta Kepa Junkerak orbitan jarri zuen beste erritmo eta folklore batzuekin nahastuz.
Jatorrizko artikulua hemen
Rock musikan Smoke in the water abestiaren riffa jo nahi izan dugun moduan, musika klasikoan oboejole, bibolinjole eta txelo joleek bere trebezia agertzeko momentutzarrak daude. Behotsik orkestrako musikariek solo horietako batzuk aukeratu dituzte, hala nola, Tchaikovskiren laugarren sinfoniaren bigarren mugimenduko oboea, Lohengrin operako preludioko bibolinak edo Diktadore Handia filmean entzun daitekeen Wagnerren opera.
Jatorrizko artikulua hemen
Behotsiken instrumentu dendan sartzen gara gure loredun alkandorarekin eta gure pay-payarekin. Zerbait freskoa nahi dugu eta gure musikariek ukelelea gomendatzen digute, Hawain jatorria duen gitarra akustikoa. Hang izeneko instrumentua ere eskeintzen digute, metalezko danbor berezia, lapiko baten taparen itxurakoa.
Jatorrizko artikulua hemen
Kriskitin xumeak musika herrikoaren parte izatetik musika jaso igaro dira, “Las bodas de Luis Alonso” zalzuelan gertatzen den moduan. Dultzaina danok ezagutzen dugun beste instrumentu bat da, Nafarroan gaita izenez ezaguna.
Pegarrarekin edo abarketekin ere musika egin daiteke, Behotsik orkestrako Borja Mollá eta Unai Ibañezek erakusten diguten moduan, Bailén Portugaleterekin Independentzia Gerraren bitartez lotzen duen istoria harrigarria azaltzen digutelarik.