Pasa den denboraldiko arrakastaren ondoren, 2027ko urtarrilean Strauss Gala bueltan da, baina oraingo honetan, Bilbon ezezik, ikuskizuna Burgos eta Valladoliden ere izango da.
Strauss Gala Strauss familiaren musikaren bikaintasuna eta ondarea ospatzen dituen kontzertu ikusgarria da, XIX. mendeko Vienako dotoreziara bidaia eginez. Bals, polka eta martxen aukeraketa fin batekin, ikuskizun honek Vienako kontzertu ospetsuak gogora ekarriko ditu, Mourad Assouil maisu bielorrusiarraren zuzendaritzapean.
Mourad Assouil orkestra-zuzendaria eta piano-jotzailea da, Musikologian doktorea, eta interpretazioan zein esparru akademikoan ibilbide luzea egin du. Ikasketak amaitu ondoren, Gomeleko Orkestra Sinfonikoaren zuzendari gisa hasi zuen bere ibilbide profesionala, eta hamar urtez Bielorrusiako zuzendari titular eta artistikorik gazteenaren ospea sendotu zuen. Zuzendari gonbidatu gisa aritu da Moskuko Orkestra Filarmonikoan, Ukrainako Orkestra Sinfoniko Nazionalean, Opera eta Balleteko Antzoki Nazionalean eta Bielorrusiako Orkestra Filarmonikoan.
Behotsik orkestra eta Mourad Assouil zuzendariaz gain, oholtza gainean aurkezle moduan Unai Izquierdo aktorea izango dugu, baita Teresa González Ardanazen Ballet Klasikoa, Helena Orcoyen sopranoa eta Josu Cabrero tenorea ere.
Hauek dira Strauss Gala 2027 birako datak:
– Urtarrilak 2 – Bilboko Elkarte Filarmonikoa, BILBO – Sarrerak
– Urtarrilak 9 – Cultural Caja de Burgos, BURGOS – Sarrerak
– Urtarrilak 10 – Teatro Cervantes, VALLADOLID – Sarrerak
Sarrerak jadanik salgai daude hiru kontzertuetarako. Gogoratu orkestrako bazkidea bazara, deskontua izango duzula Bilboko kontzerturako sarreren prezioan.
Zuek bertan ikustea espero dugu, datorren urteari dagokion ongi etorria emateko eta Strauss familiaren musika ederraz gozatzeko.
