Behotsik

  • #BehotsikGraffiti: Barricada eta Shostakóvich, lau abestitan

    #BehotsikGraffiti: Barricada eta Shostakóvich, lau abestitan

    http://www.eitb.eus/es/radio/radio-euskadi/programas/graffiti/audios/detalle/4522635/el-reto-behotsik-barricada-nos-lleva-shostakovich/

    Behotsik

    ,

  • #BehotsikGraffiti: Fair Saturday

    #BehotsikGraffiti: Fair Saturday

    http://www.eitb.eus/es/radio/radio-euskadi/programas/graffiti/detalle/4502174/porque-mucha-gente-actuando-mismo-momento-puede-cambiar-mundo/

    Behotsik

    , ,

  • #BehotsikGraffiti: Kaxiano eta Mahler, lau abestitan

    #BehotsikGraffiti: Kaxiano eta Mahler, lau abestitan

    http://www.eitb.eus/es/radio/radio-euskadi/programas/graffiti/detalle/4486637/de-mahler-kaxiano-traves-solo-cuatro-canciones/

    Behotsik

    ,

  • #BehotsikGraffiti: Miles Davis eta Mozart, lau abestitan

    #BehotsikGraffiti: Miles Davis eta Mozart, lau abestitan

    http://www.eitb.eus/es/radio/radio-euskadi/programas/graffiti/detalle/4476404/behotsik-males-davis-mozart/

    Behotsik

    ,

  • #BehotsikGraffiti: Iron Maiden eta Brahms, lau abestitan

    #BehotsikGraffiti: Iron Maiden eta Brahms, lau abestitan

    http://www.eitb.eus/es/radio/radio-euskadi/programas/graffiti/detalle/4467085/behotsik-iron-maiden-brahms/

    Behotsik

    ,

  • Fair Saturday 2016an AFA Bizkaiaren alde

    Fair Saturday 2016an AFA Bizkaiaren alde

    Behotsik Orkestrak aurten ere Fair Saturday 2016 ekimenean parte hartuko du, azaroaren 26an, Alzheimerra duten gaixoen senitartekoen AFA Bizkaia elkartearen alde.

    Fair Saturday artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz. Fair Saturday rtero izugarri haziz doan proiektua da, eta aurten ozeanoz bestalde ere ospatuko da, Perun hain zuzen ere.

    Pasa den urtean ere, ekimen honetan parte hartu genuen, guretzat esperientzia aberasgarria izan zelarik. Horregatik, ez dugu aurtengo Fair Saturday 2016 edizio honetan ere parte hartzeko zalantzarik izan.

    AFA Bizkaia, Alzheimerra eta beste dementziak dituzten Gaixoen Senitartekoen Elkartea

    AFA Bizkaia 1988. urtean sortu zen familiarteko talde batek elkartzeko eta beraien eskubideak berreskatzeko beharraren aurrean. Elkartearen helburuen artean Alzheimer gaixotasuna dutenen pertsonen senitartekoentzako laguntza psikologikoa eskeintzea, gaixotasuna duten familiartekoei legezko gaietan, arlo soziologiko eta ekonomikoetan aholkamendua ematea, eta gaixotasuna duten pertsonen bizi kalitatea, ahal den neurrian, hobetzeko, laguntza erraztea, hobetzea eta erregulatzea aurkitzen dira.

    Gure ustez, Alzheimer gaitza gure eguneroko bizitzan oso ohikoa den arazoa da. Horregatik, gure harri koskorra jarri nahi dugu, ahal den heinean, gaixotasuna duten pertsonen eta beraien senitartekoen bizi kalitatea hobetzen lagundu.

    Horretarako, 2016ko azaroaren 26an kontzertua emango dugu Bilboko Itsasadarra Itsas Museoan, arratsaldeko 19:00tan. Sarrera doakoa izango da, baina donatiboak egiteko aukera egongo da, eta irabaziak AFA Bizkaia elkartearentzako joango dira.

    Gainera, kontzertu berezia izango da, izan ere, Igor Giménez gure zuzendariak bere lekua utzi eta zuzendari gonbidatua izango dugu orkestraren historian lehenengo aldiz. Kasu honetan, orain dela pare bat urte gurekin egon zen Ane Legarreta zuzendari gaztea izango dugu gidaritzan. Hurrengo egunetan programari buruzko informazio gehiago emango dugu.

    Behotsik

    , , ,

  • #BehotsikGraffiti: KenZazpi eta Tchaikovsky, lau abestitan

    #BehotsikGraffiti: KenZazpi eta Tchaikovsky, lau abestitan

    http://www.eitb.eus/es/radio/radio-euskadi/programas/graffiti/detalle/4456057/de-ken-7-tchaikovsky/

    Behotsik

    ,

  • Behotsik, ostiralero Radio Euskadiko Graffiti saioan

    Behotsik, ostiralero Radio Euskadiko Graffiti saioan

    Pasa den ostiralean, Ioritz Madariaga eta Unai Ibañez gure kideak Radio Euskadiko Graffiti saioan egon ziren. Urko Aristik aurkezten duen arratsaldeko saio honetan, Behotsik orkestraren ideiari, historioari eta funtzionamenduari buruz hitz egin zuten.

    Hemen duzue entzungai pasa den asteko saioa.

    Eta pasa den astean iragarri bezela, Behotsik orkestra ostiralero arituko da Graffiti saioan, arratsaldeko 6etatik aurrera. Ordu horretan, kultura eta musikaz jardungo dira, musika klasikoa beste estilo batzuekin uztartuz, eta batzutan hain erakargarria ez dirudien musika klasikoa entzulearengana hurbilduz.

    Hemendik, eskerrak eman nahi diegu Graffitiko lan talde guztiari, eta batez ere Urko Aristiri, gu bezalako orkestra bati irratian horrelako espazioa edukitzeko aukeragatik, eta gure bizitzetan hain garrantzitsua den musika zabaltzeko aukeragatik.

    Ba al dakizu zein harreman izan ahal duten Johann Sebastian Bach eta Beyoncek? Aste honetako saioan ikusi ahal izango duzu.

    Behotsik

    , ,

  • Zorionak BEHoT5IK! 5 urte

    Zorionak BEHoT5IK! 5 urte

    2011ko abuztuaren 16an, udako arratsalde bero batean, Bilboko Miribilla auzoan sortu zen Behotsik Orkestra osatzeko ideia. Hasieran, ideia eroa zirudiena, denborarekin errealitate bihurtu zen, gaur egunera arte.

    Bost urte hauetan begirada atzera botaz, ikaragarria da ezerezetik sortutako orkestra honek egin dituen proiektu guztiak, eta oso harro gaude. Espero dugu etorkizunean proiektu honek horrela jarraitzea, eta gu prest gaude horretarako.

    Bost urte hauek ospatzeko, orkestrako kide batzuekin egindako bideoa uzten dizuegu, non urte hauetako ibilbidea birpasatzen dugun: EuroCamerata, soinu banden programa, Musika – Música, Euskal Herria Bizi, Concerts4Good, Behotsik Symphonic Rock Tour 2015‬, Fair Saturday, A Disney Dream…

    Hemendik eskerrak eman nahi dizkiegu bost urte hauetan zehar orkestran parte hartu duzuen, noizbait lagundu diguzuen eta gure ondoan egon zareten guztioi. Argi dago Behotsik aurrera atera izana guztion lanaren fruitua dela. Eskerrik asko, eta aurrera!

    Behotsik

    ,

  • EuroCamerata 2016

    EuroCamerata 2016

    2012. urtetik aurrera bezela, Behotsik orkestrak EuroCamerata nazioarteko gazte orkestrarekin lan egingo du EuroCamerata 2016 udako biran zehar, Alemaniara bidaiatu eta bertan kontzertuak emanez.

    EuroCamerata orkestrak, 1997an sortua, urtero Europako herrialde desberdinetako musikari gazteak biltzen ditu Europan zehar kontzertuak emateko. Jatorriak, hizkuntzak eta kulturak sortu ditzazkeen sailtasunak alde batera utzita, elkartu egiten dira musika batera egiteko. Aurten, Obersulmeko musika eskolako ikasleek eta Behotsik orkestrako kideek osotuko dute, eta Sergiu Andrei maisuak eta gure orkestrako zuzendari den Igor Giménezek zuzenduko dute.

    Pasa den urtean bezela, orkestra uztailean Alemaniara mugituko da Stuttgart inguruko hainbat hiritan kontzertu batzuk emateko, Baden-Württemberg estatuan.

    Hauek dira aurtengo udako birako aurreikusitako datak:
    – uztailaren 17a – St. Kilian Evangelische Kirche, WÜSTENROT
    – uztailaren 19a – Katholische Barock Kirche, ERLENBACH
    – uztailaren 21a – Vater-Unser Kirche, WILLSBACH

    Kontzertuen orduen, entseguen eta programaren inguruko informazio gehiago izateko, adi egon gure sare sozialetan argitaratzen dugun guztiari.

    Behotsik

    ,

  • A Disney Dream, ametsetako arrakasta

    A Disney Dream, ametsetako arrakasta

    Pasa den igandean “A Disney Dream” bira bukatu genuen sarrera guztiak saldu ziren Barakaldo Antzokian eman genuen kontzertuarekin. Bira aurkeztu genuenean esan genuen bezala, A Disney Dream ordura arte egin dugun proiekturik garrantzitsu eta handizaleenetako bat izan da, eta benetan harrituta geratu gara publikoarengandik jaso dugun harrera ikustean.

    Bilbon, Portugaleten eta Barakaldon hiru kontzerturen ondoren, 1500 sarrera baino gehiago saldu ostean, eta Barakaldo Antzokian sarrerak agortu zirelarik, ezin dugu kontzertuetara gu ikustera etorri zareten bakoitzari eskerrak eman baino besterik egin. Guretzako izugarrizko plazerra izan da umeak, baita nagusiak ere, gehien gustatzen zaigunarekin, musika egitea hain zuzen ere, gozatzen ikustea.

    Hemendik, proiektu hau aurrera atera, eta guztion laguntzarekin, horrenbesteko arrakasta lortzen lagundu diguzuen guztioi eskerrak eman nahi diegu:

    Daniel Lorcari, pianoan esertzeko bere eskuak eta denbora lagatzeagatik.

    Miryam Ortiz, Enrique Castañeda, Egoitz Poza, Aintzane Corchado eta Álvaro Luzuriaga perkusio joleei y haien irakasle den Alejandro Pérezi.

    María Barrado eta Aitor Fernández abeslariei, beraien ahotsak eta ekipoa modu eskuzabalean uzteagatik.

    Tropic Dance dantza eskolako dantzari guztiei, ikuskizun guzti honetan alaitasuna eta mugimendua jartzeagatik.

    Arteta musika eskolari, gu ezagutu gabe mota honetako proiektuak bultzatzeagatik, eta batez ere Marta, Susana, Sergio, María eta Paulari.

    Rakel, Mari Jose eta Iboni, kontzertuetarako eszenografiarako diseinu, gauzatze eta muntaketa lan guztiagatik.

    Ioritz Madariagari, kontzertuetan irudi eta bideoekin egindako lan guztiagatik.

    Berrio-Otxoa ikastetxeari entseguetarako beraien instalazioak lagatzeagatik.

    Horrelako proiektuei esker, eta publikoarengandik jasotako erantzunari esker, Behotsik izeneko proiektu zoro honekin aurrera jarraitzeko gogo handiagoekin gaude. Eskerrik asko!

    Behotsik

  • Bilboko Gau Zuria 2016

    Bilboko Gau Zuria 2016

    Datorren zapatuan, ekainak 18, Bilbok bere gau handia ospatuko du, Gau Zuria. Jai horrekin gogoratzen da uriko fundazioaren 716. urteurrena eta aukera paregabea da argiz eta soinuz, iradokizunez eta adierazpenez beteriko bide batean paseatzeko.

    Bilbao 700 Fundazioak urtero antolatzen du Bilboko Gau Zuria eta edizio honetan berak ekoitzi du programa. Aitzakia perfektua da gaua bere pluraltasunean parerik gabeko uri batean bizitzeko. Uriaren sinfonia ederra. Eta sinfonia hori lortzeko, Bilbao 700 Fundazioak 23 hitzorduko programa bat diseinatu du. Uriko 23 lekutan bilduko da herritarren interesa, Gau Zurian parte hartzeko eta interaktuatzeko.

    Behotsik Orkestrak Bilborentzat hain garrantzitsua den ekitaldi honetan parte hartuko du, eta “Bilbao, hiri baten sinfonia” ikuskizuna emango du Bilboko Udaletxean.

    Bilbao, hiri baten sinfonia

    Bilbo gure sinfonia izan daiteke. Horretarako betekizun guztiak izango dituzu: mugimenduak, denborak eta egiturak; abesbatzaren jarraibideak dituen interprete-multzo zabala; pieza labur zein luzeak eskainiko dizkiguten ahots argi eta adierazgarriko solistak,… Hau guzti honengatik eta gehiagorengatik Bilbo maite dugu, giza-tamainaren araberako hiria, egun bakarrean ezagutzeko aukera duena… Bilbo, bizitzeko dugun espazio partekatua da.

    Ekainaren 18ko gauean zehar hainbat emanaldi emango ditugu Bilboko udaletxe aurrean: 22:30; 23:15; 00:00; 00:45. Horietako batean ikustea espero zaitugu, musikaz, argiaz eta udaletxeko fatxadan proiektatuko diren irudiez gozatzeko.

    Behotsik

    ,

  • “A Disney Dream” bira

    “A Disney Dream” bira

    Lan askoko hilabete batzuren ondoren, Behotsik orkestrak A Disney Dream bira aurkezten du, ordurarte egin dugun proiektu garrantzitsuen eta handizaleenetako bat alegia. Bira honetan, hiru kontzertu emango ditugu Bilbo, Portugalete eta Barakaldoko hirietan.

    A Disney Dream bira, ez da ohiko kontzertu bira izango, askoz haratago joango da. Kontzertuan musikaz gain, irudiak, bideoak, dantzak, kantuak eta antzezpenak hartuko dute protagonismoa. Azken finean, artearen diziplina guztiak ikutuko dituen ikuskizuna izango da.

    Ikuskizun honek, batez ere umeei zuzendua dagoena, baina edozein adineko publikoaren gozamenerako pentsatua, Walt Disney estudioek ekoiztutako film nagusien musika birpasatuko du, hala nola, Aladdin, Frozen eta Lehoi Erregea filmetakoak. Irudiek eta dantzak pelikuletako musika lagunduko dute.

    Guzti honetarako, Behotsik orkestraz gain, Tropic Dance dantza eskolako dantzariak, Arteta Musika Eskolako Paula Etxebarria, Susana Arteta eta Sergio Martínez antzezleak, María Barrado eta Aitor Fernández abeslariak, eta Miryam Ortiz, Enrique Castañeda, Egoitz Poza, Aintzane Corchado eta Álvaro Luzuriaga perkusio joleak izango ditugu lagun, proiektu itxaropentsu hau aurrera atera ahal izateko.

    Hauek izango dira bira honetako datak:
    – ekainaren 11, 12:00, Berrio-Otxoa Ikastetxea BILBAO
    – ekainaren 18a, 19:00, Nuestra Señora del Carmen Ikastetxea PORTUGALETE
    – ekainaren 19a, 19:00, Barakaldo Antzokia BARAKALDO

    Beti bezela, kontzertuetara etortzeko gonbidapena luzatzen dizuegu, eta bertan espero zaituztegu, etxeko txikienekin, haiengan pentsatzen sortu eta eraiki baita ikuskizun hau.

    Behotsik

    ,

  • Musikarien bila

    Musikarien bila

    2011. urtean sortu zenetik, Behotsik etengabe hazten dagoen orkestra da. Horregatik, musikari berrien bila gaude.

    Musikaz eta lagunez gozatu nahi baduzu, animatu eta sar zaitez Behotsik orkestran. Interesatuta bazaude, jar zaitez gurekin harremanetan.

    Behotsik

    ,

  • Behotsik ETBko albistegietan

    Behotsik ETBko albistegietan

    Pasa den larunbatean Musika – Música 2016 jaialdiko Auzoz Auzo programaren barruan eman genuen kontzertuari buruz hitz egin zuten ETB1eko Gaur Egun albistegian eta ETB2ko Teleberri albistegian.

    Behotsik

    ,

  • Música a prueba de tormentas (ESP)

    Música a prueba de tormentas (ESP)

    ‘Musika Música’ llegó ayer al hospital de Basurto. A pesar de la lluvia y el frío, el público, entre los que se encontraban familiares de algunos de los pacientes, pudo disfrutar bajo una carpa de las notas de un atractivo programa de compositores románticos a cargo de la joven orquesta Behotsik. En su objetivo de acercar la música a los barrios de Bilbao, el festival llegará hoy a la Plaza Karmelo. El concierto será a partir de las 13.30, interpretado por los músicos de Bilbao Musika. Foto: Borja Guerrero

    Behotsik

    ,