Behotsik

  • Fair Saturday 2023 Ekidazu Abesbatzarekin

    Fair Saturday 2023 Ekidazu Abesbatzarekin

    Aurreko urteetan bezela, aurten ere datorren azaroaren 25ean ospatuko den Fair Saturday 2023 ekimenean parte hartuko dugu. Oraingo honetan, Lezamako Ekidazu Abesbatzarekin batera, Cornelia de Lange Sindromearen Elkartearen aldeko ongizatezko kontzertua prestatu dugu.

    Esan bezala, gure ondoan Lezamako Ekidazu Abesbatza izango dugu. 2001eko udaberrian sortutako abesbatza hau, Euskera Zorrizketan taldeko zenbait kideren ekimena izan zen. Gaur egun 28 ahots mistok osatzen dute eta Iratxe Ispizua da bere zuzendaria.

    Abesbatzaren helburu nagusiak bi dira: alde batetik, musika folklorea eta euskal musika korala maitatu, zaindu, zabaldu eta abestea, eta bestetik, musikaren bitartez euskararenganako maitasuna zabaltzea.

    Fair Saturday 2023 Lezaman

    Fair Saturday jaialdia artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz.

    Aurten Cornelia de Lange Sindromearen Elkartearen alde egingo dugu. Cornelia de Lange Sindromearen Elkartea 1998an sortu zen, Cornelia de Lange Sindromea duten pertsonen eta haien senideen bizi-kalitatea hobetzeko helburuarekin. Elkarteak Cornelia de Lange Sindromea duten familiei edota kaltetuei orientazioa eta aholkuak emateko asmoa du, bide horretan bakarrik ez daudela jakin dezaten.

    Kontzertua datorren azaroaren 25ean, arratsaldeko 19:00etan, Lezamako Andra Mari elizan (Aretxalde Auzoa 78) ospatuko da. Ongizatezko kontzertu batek duen garrantziaz gain, guretzako berezia izango da kontzertua hau, izan ere, Sancho Almendral gure zuzendari titular berriak zuzentzen duen lehena izango da, beraz, esan beharrik ez dago bertan espero zaituegula.

    Behotsik

    , ,

  • Fair Saturday Inmakuladako Abeslariak eta Oihartzuna Abesbatzarekin

    Fair Saturday Inmakuladako Abeslariak eta Oihartzuna Abesbatzarekin

    Aurreko urteetan bezela, aurten ere datorren azaroaren 26an ospatuko den Fair Saturday 2022 ekimenean parte hartuko dugu. Oraingo honetan, Bilboko Inmakuladako Abeslariak eta Muskizko Oihartzuna Abesbatzarekin batera, Alboan GKEk duen Emakumeok Martxan programaren aldeko ongizatezko kontzertua prestatu dugu.

    Pasa den uztailaren 2an gure 10. urteurrena ospatzeko Euskalduna Jauregian eman genuen kontzertuan parte hartu zuten lagunen artean, Eduardo Lopéz de Herediak zuzendutako Inmakuladako Abeslariak eta Muskizko Oihartzuna Abesbatza ditugu, Fair Saturday honetan beraiekin berriro elkarlanean arituko garelarik.

    Inmakuladako Abeslariak duela 40 urte baino gehiago sortu zen Bilboko Basurtu auzoan. Hasieratik zuzendari eta koralista ugari igaro dira abesbatzatik, baina betiere gako konstante batzuei eutsi dio: Basurtuko auzoari eta bertako jendeari atxikitzea eta
    musika koralarekiko grina, edozein modutan bada ere.

    Oihartzuna Abesbatzak, ordea, 1981eko udaberrian ekin zion bere ibilbideari, Coral Muñatones izenarekin. 1987an hartu zuen gaur egungo izena. Muskizko Udalarekin lankidetzan aritzen da udalerrian egiten diren musika koralari buruzko ekitaldi guztietan. Hainbat topaketa eta abesbatza lehiaketatan parte hartu du, eta errepertorio zabala eta askotarikoa dauka.

    Fair Saturday mugimenduan

    Fair Saturday jaialdia artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz.

    2019ko edizioan bezela, aurten ere Jesusen Lagundiak bultzatutako Alboan elkartearekin bat egingo dugu, zehazki Emakumeok Martxan mugimenduarekin. Emakumeok Martxan programaren helburu nagusia da mugikortasun behartuko testuinguruetan indarkeria sufritu duten emakumeen premiei erantzuteko proiektuak garatzea.

    Kontzertua datorren azaroaren 26an, arratsaldeko 17:00ean, Bilboko Jesusen Bihotza elizan (Urkixo Zumarkalea 7) ospatuko da, eta esan beharrik ez dago, baina bertan espero zaituegu.

    Behotsik

    , ,

  • Musika balkoietatik

    Musika balkoietatik

    Datorren igandean gure 10. urteurrena ospatzen ari garen denboraldi honetako lehenengo kontzertua emango dugu, Musika Balkoietatik ekitaldiaren barruan. Emanaldi berezi honetan, Etorkizuna Musikatan haur-orkestra izango dugu lagun, Bilboko Ibaiondo barrutiko kultura desberdinetako ume eta nerabeek osotzen dutena.

    Ekitaldia Norai elkarte hezitzaile, ekintzaile eta humanizatzaileak antolatu du, zeinek, besteak beste, Etorkizuna Musikatan proiektu sozio-hezitzailea eta orkestrala jarri du abian, musikak kolektibo pluralak batzeko eta balio pertsonalak, komunitarioak eta kulturartekoak garatuz gizartea hezteko duen gaitasuna erakutsiz. Gainera, Fair Saturday fundazioak laguntzen du, hainbestetan parte hartu dugun kultur mugimenduak, Barreras Invisibles ekimenaren barruan.

    Musika Balkoietatik arrisku larrian dauden Afganistango Gazte Orkestra eta Zohra Ensemble, Afganistango Emakumezkoen Orkestra, haur eta gazte orkestren aldeko ekimena izango da. Borondatez egiten diren ekarpen ekonomikoak orkestra horiei laguntzera bideratuko dira oso-osorik, Ahmad Sarmast orkestra zuzendariaren bitartez.

    Balkoietatik, auzora

    Ekimen musiko-sozial hau Bilbiko plazan egingo da, eta berezitasun bat izango du: musikarietako batzuk plazako balkoi batzuetan egongo dira, jabeek beren borondatez lagata. Etxea pertsonaren eta familiaren intimitatearen sinbolo pribilegiatua da. Espazio horretan, balkoiak kanporako, kalerako eta auzorako irekiera irudikatuko luke. Balkoira irtetea, pertsona-familiarra kolektibo-auzokora bilakatzea bezala ulertuko genuke. Horrela, gure etxeak auzora irekitzea ikusarazi nahiko genuke; pertsonala eta familiakoa dena, desberdina, anitza eta, aldi berean, hurbilekoa bihurtzea.

    Musika Balkoietatik pertsona, familia, kolektibo eta elkarte askok auzoan egiten duten lanari balioa eman nahi dio, haien inplikazioarekin gizartea eraldatzen lagunduz. Era berean, aniztasuna elkarrekintzan jarritako aberastasun gisa ikusarazi nahi du.

    Behotsik Orkestrarentzat berezia da horrelako ekitaldi bat gure 10. urteurrenean egitea, eta Etorkizuna Musikatan haur orkestrako neska-mutilekin izan ditugun entseguen ondoren, ziur gaude galdu ezin duzuen ekitaldia dela. Horregatik, datorren igandean, urriak 17, 12:00etan Bilboko Bilbi plazara gonbidatzen zaituztegu.

    Behotsik

    , , ,

  • Mundu berri baten aldeko sinfonia: kontzertu irekia

    Mundu berri baten aldeko sinfonia: kontzertu irekia

    Oraingoan sorpresa berezi batekin gatoz. Jakin dakizuenez, datorren astean Fair Saturday 2019 ospatuko dugu, prestatzen ari garen Emakumeak eta artea: itzaletatik argitara kontzertuarekin. Baina Fair Saturday eguneko goiza zurekin igaro nahi dugu, eta horretarako kontzertu ireki bat antolatu dugu.

    Kontzertu irekia? Bai! Ideia hauxe da: hartu ezazu zure instrumentua, ekarri zure partiturak, gure orkestrarekin bat egin eta egin dezagun musika! Horrela, Fair Saturday 2019 egun hau jarriko dugu erakusleihoan, eta musikak, eta kulturak orokorrean, behar duen garrantzia eskatuko diogu gizarteari. Kontzertu honetarako esloganak dioen bezala, ekar ezazu zure arma eta erein ezazu zure hazia.

    Kontzertu edo esperimentu berezi hau Bilbon egingo dugu, Zubiarte merkataritza zentroan, azaroaren 30eko goizeko 12etan, eta egun honetan Antonín Dvořáken Mundu Berriaren Sinfoniaren 4. mugimendua joko dugu. Eta nor etorri daiteke? Mundu guztia gonbidatuta dago!

    Musika instrumentu bat jotzen baduzu, gure orkestran lekua izango duzu. Hartu zure instrumentua eta gurekin bat egitea baino ez duzu. Esteka honetan aurki dezakezu informazio guztia.

    Instrumenturik jotzen ez baduzu ere, etorri egin behar duzu! Esperimentu honetan parte hartzea berezia izango da, kontzertuak berak suposatzen duen garrantziaz gain (gizarteak musika eta kulturaren bitartez mundu berri bat eraikitzen) egun horretan sorpresa ugari egongo direlako. Ez dizugu pista handirik emango, baina etor zaitez musika egiteko gogoekin.

    Beraz, bertan espero zaitugu, zure instrumentuarekin, edo ikusle moduan, baina eraiki dezagun mundu berri bat, gure armekin, gure instrumentuekin, milaka hazi ereiteko. Gogoratu, azaroaren 30ean, goizeko 12etan, Zubiarte merkataritza gunean.

    Informazio gehiago

    Behotsik

    , ,

  • Emakumeen eta beraien artearen Fair Saturday

    Emakumeen eta beraien artearen Fair Saturday

    Aurreko urteetan bezela, aurten ere datorren azaroaren 30ean ospatuko den Fair Saturday 2019 ekimenean parte hartuko dugu. Oraingo honetan, emakume musikari eta artistaren irudia nabarmendu nahi izan dugu, eta horretarako, “Emakumeak eta Artea: itzaletatik argitara” kontzertua prestatu dugu. Ongizatezko kontzertua izanik, egun horretan Deustuko Unibertsitateko Paraninfoan bildutako diru guztia Alboan GKEarentzat joango da.

    “Emakumeak eta Artea: itzaletatik argitara” kontzertuak emakumea taula gainean jarriko du. Historian zehar, musikaren munduan ere, emakumea bigarren maila baten egon izan da beti, nahiz eta bere garrantziak eta kalitateak beste leku bat merezi duen. Horregatik, aspaldiko eta gaur egungo musikariak ekarri nahi izan ditugu kontzertu honetan. Anne Dudley, Florence B. Price, Rachel Portman, Lady Gaga, Pinar Toprak eta Lisa Gerrarden musika joko dugu, eta Nerea Alberdi eta Paula Olaz euskal konpositore gazteak gurekin izango ditugu beraien obrak zuzentzeko.

    Baina dena ez da musika izango. Emakume artista ere presente egongo da, eta kontzertuan zehar emakume gehiago igaroko dira oholtzatik, bakoitza bere artea erakutsiz: pintura, dantza… Pixkanaka iragarriko ditugu nortzuk egongo dira gurekin.

    Fair Saturday mugimenduaren baitan

    Fair Saturday artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz.

    Aurreko urteetan Ha Ha Tay – son risas de Gandiol edo Vass Sanfilippo Euskadi bezalako elkarteekin lan egin ondoren, aurten Jesusen Lagundiak bultzatutako Alboan elkartearekin bat egingo dugu. Elkarteak munduan desberdinkeriak sortzen dituzten bidegabekeriak salatuko dituzten herritar globalak prestatzeko lan egiten dute, guztion ongia sustatuz eta bai tokian-tokian bai globalki pobrezia sortzen duten egiturak eraldatuz.

    Aipatu behar dugu, Fair Saturdayk beti eman digun laguntzaz gain, aurten Laboral Kutxa ere egongo dela gure ondoan, kontzertu hau aurrera eramateko behar den azpiegitura guztiarekin lagunduz.

    Beraz, ez ezazu sorpresaz beterik egongo den kontzertu hau galdu, eta etor zaitez Fair Saturday 2019 egunera, datorren azaroaren 30ean, arratsaldeko 7:30ean, Bilboko Deustuko Unibertsitateko Paraninfora, elkarrekin gure gizartean hain beharrezkoa den kultura bultzatzera.

    Behotsik

    , , ,

  • Peru eta Otsoa Fair Saturday 2018an

    Peru eta Otsoa Fair Saturday 2018an

    Aurreko urteetan bezela, aurten ere datorren azaroaren 24an ospatuko den Fair Saturday 2018 egunean parte hartuko dugu. Oraingo honetan, familia osoarentzat pentsatua dagoen Peru eta Otsoa obra ezaguna interpretatuko dugu Bilboko Areatzan, eta, ongizatezko kontzertua izanik, egun horretan bildutako  diru guztia Ha Ha Tay – son risas de Gandiol GKEarentzat joango da.

    Fair Saturday artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz.

    Orain arte Fair Saturdayren edizio internazionalena den honetan, guk ere mugak zabaldu nahi izan ditugu eta Senegalera mugitu gara Ha Ha Tay – son risas de Gandiol elkartearen bidez. Elkarteak Senegalgo iparraldean kokatutako Gandiol herriko garapen komunitarioa bultzatzeko lan egiten du. Zintzotasuna, duintasuna, gertutasuna eta pentsamendu askatasuna.

    Musika, balleta eta narrazioa

    Kontzertu berezi honetarako, eta orkestrak historiko izan duen elkarlanaren ideiarekin jarraituz, ez gara bakarrik egongo. Horregatik, musikaz gain, ikuskizuna balleta eta narrazioagaz indartuko dugu.

    Alde batetik, Serguéi Prokófiev musikari errusiarrak konposatutako akordeei mugimendua jartzeko, Ana Mª Aurrecoechea Balleta izango dugu gurekin. Beraien pausu eta dantzekin obrak gordetzen duen istorioa hobeto ulertzen lagunduko digute.

    Beste alde batetik, Peru eta Otsoaren istorioa kontatzeko, Alabazan narratzaile taldeko Joaquin Ponte Velon eta Pedro Ruiz narratzaileak izango ditugu, beraien ahots ederrekin, musikak kontatu ezin duena jakinarazteko.

    Gainera, Fair Saturdayk beti eman digun laguntzaz gain, aurten Garbikerrek parte hartuko du, kontzertu hau aurrera eramateko behar den azpiegitura guztiarekin lagunduz.

    Beraz, ez ezazu ikuskizun berezi hau bizitzeko aukera galdu, eta etor zaitez datorren azaroaren 24an egingo ditugun bi emanaldietara (12:00etan euskaraz eta 13:15ean gaztelaniaz), gure gizartean hain beharrezkoa den kultura bultzatzeko.

    Bilboko gazteen Balioak Martxan

    Aurten Bilboko Udalak antolatutako Balioak Martxan sarian parte hartu dugu. Bilbotarren egunerokoa hobetzeko asmoz, helburu sozial eta gizartearen beharrei erantzuten dieten ideiak izan dira Bilbao Gazte Balioak Martxan ekimenaren protagonistak. Izan ere, gazteen ikuspegitik, balioetan oinarritutako Bilbo bat indartu nahi du Udalak.

    Zorionez, sarituak izan gara aurkeztu genuen proiektuarekin, eta horren emaitza datorren azaroaren 24an emango dugun ikuskizuna izango da. #BEHoTSIKIrribarrezHAHATAY

    Behotsik

    , , , , ,

  • Don’t Stop Me Now, zuzenean Azkuna Zentroan

    Don’t Stop Me Now, zuzenean Azkuna Zentroan

    ‘Don’t stop me now, if you want to have a good time just give me a call…’

    Pasa den azaroaren 25ean, Madrilgo JOECOM Orkestrarekin eta Caledonian Road taldearekin batu ginen Bilboko Azkuna Zentroan rock kontzertu bat emateko Fair Saturday mugimenduaren baitan.

    1000 pertsonatik gora bildu zituen eta VASS Sanfilippo Euskadirentzako 2.376 € lortu ziren kontzertu honetan, rock abesti ospetsuenen errepasoa egin genuen rock talde bat eta orkestra sinfonikoa uztartuz. Horren eredu da Queen taldearen ‘Don’t Stop Me Now’ abesti mitikoaren bertsio hau.

    Adi egon zaitezte kontzertu honen inguruko berriekin etorriko garelako. Laster.

    Behotsik

    , , , ,

  • Behotsik atrioan

    Behotsik atrioan

    http://www.klassikbidea.eus/2017/11/30/behotsik-en-el-atrio/

    El atrio es el espacio que precede a la entrada de un edificio. Tiene un atrio condición de acceso y vocación de pasaje, de unir dos mundos: el bullicio del foro con el templo, la intemperie con la casa o, metafóricamente, el silencio o el ruido de la calle con la música. Realizado en el atrio de Azkuna Zentroa, este retrato de grupo de Behotsik sintetiza la vocación de esta orquesta por aproximar la música a los públicos, por acercar entre sí el arte y las gentes, por convocar a esa maravillosa y efímera experiencia que es un concierto.

    La fotografía de Gaizka Peñafiel retrata muchas cosas. Retrata ante todo a una formación plural, moderna, a la que sigo y a la que admiro desde hace tiempo; una formación con tal frescura y buen tino que a veces merecería un análisis detallado por parte de organizaciones con medios e implantación muy superiores pero menos vivas o, quizá, más descreídas. No se aprecia cansancio en Behotsik, sino ganas de brega. Parecen divertirse.

    El pasado junio asistí a una representación de La flauta mágica en el Teatro Campos Elíseos de Bilbao. Tenia pendientes unas palabras sobre aquella función, puesta en escena con Ópera Divertimento. En términos globales, la función fue preciosa: una ventana al oficio de cantar y actuar, de un honesto correr el telón para ofrecer lo mejor de cada uno, encandilando a niños y mayores; una función también oscura, profundamente imbricada en La flauta mozartiana, en la que se inoculaba en el público el veneno exquisito de la música, la fantasía y el teatro. Pobres pequeños allí sentados, mordidos por la ópera en su más tierna infancia.

    En el foso estaba Behotsik, y yo sentado de tal manera que veía todo el foso y también veía trabajar a Igor Giménez, el director. Disfrutaban. Del foso emanaba la buena música y también surgían la luz y la alegría, y en el teatro reinaba la euforia, esa sensación tan potente y placentera cuando alcanza a ser contagiosa.

    Quizá el atrio de Behotsik es el espacio donde el contagio se produce, donde el poder arcano y fascinante de la música hiere a una sociedad ayuna de detenerse, sentarse y escuchar. Una gran labor y un enorme y admirable empeño.

    Me encanta Behotsik.

    Behotsik

    ,

  • Behotsik Fair Saturday-an

    Behotsik Fair Saturday-an

    BEHOTSIK – Fair Saturday

    Fair Saturday egitasmoaren barruan Behotsik orkestrak, Caledonian Road taldeak eta Joecom orkestrak kontzertu berezia eskaini zuten Azkuna Zentroan atzo. Emanaldia Sanfilippo Euskadi GKEaren alde antolatu zen eta musikari ugarik parte hartu zuten. Argazkitan ikusi daiteken bezala publikoak ez zuen hutsik egin eta bat egin zuen ekimen honekin.

    Ohore bat aukeratua izana momentu magiko hau iruditan gordetzeko…

    Behotsik

    , ,

  • VASS Sanfilipporen aldeko rock doinuak Fair Saturday 2017an

    VASS Sanfilipporen aldeko rock doinuak Fair Saturday 2017an

    Behotsik orkestra pozik dago aurreko bi urteetan bezala Fair Saturday 2017 ekimenean parte hartuko duela iragartzeko. 2017ko azaroaren 25ean ospatuko den mugimendu global honetan gure harri koxkorra jarriko dugu Bilboko Azkuna Zentroan VASS Sanfilippo Euskadiren aldeko Symphonic Rock Fair Saturday kontzertua eskeiniz.

    Fair Saturday artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz.

    Aurreko urteetan Gure Señeak eta AFA Bizkaiarekin lan egin ondoren, aurten VASS Sanfilippo Euskadi elkartearen ondoan egongo gara. VASS Sanfilippo Euskadi irabazi asmorik gabeko elkartea da, Euskadiko Sanfilippo sindromea duten umeen senide eta lagunek osatua. Bere helburua sindromea duten umeak eta familiak beraien bizi kalitatea hobetzen laguntzea da. Sanfilippok, zoritxarrez, historia luzea dauka Euskadin, eta egun 8 kasu daude herrialdean, bat Gipuzkoan eta 7 Bizkaian.

    Orkestra sinfonikoa eta rock taldea

    Fair Saturday egun berezia izanik, kontzertu berezia izatea nahi dugu. Kontzertuaren toki ederraz gain, zeinetan urte askotan jotzen saiatu garen, lankide paregabeak izango ditugu egun hartan.

    Alde batetik, aurretik lagun izan ditugun Madrilgo JOECOM orkestrarekin bilduko gara. Pasa den denboraldian prestatu genuen ‘La Flauta Mágica. Tu Primera Ópera’ ikuskizunarekin Madrilera mugitu ginenez, oraingo honetan beraiek Bilbora etorriko dira 80 lagun inguruko orkestra osatzeko.

    Beste alde batetik, Caledonian Road rock talde bilbotarra izango dugu musikari kutsu bihurria jartzeko. Gainera, taldeko abeslaria Aitor Fernández da, gurekin A Disney Dream proiektuan parte hartu zuelarik.

    Beraz, 2015ean egin genuen Behotsik Symphonic Rock Tour proiektuaren antzeko kontzertuaz gozatu nahi baduzue, hurbildu zaitezte datorren azaroaren 25eko arratsaldeko 8etan Bilboko Azkuna Zentrora, Fair Saturday eguna ospatzera eta VASS Sanfilippo Euskadiren alde egitera.

    Behotsik

    , , , , , ,

  • #BehotsikGraffiti: Fair Saturday

    #BehotsikGraffiti: Fair Saturday

    http://www.eitb.eus/es/radio/radio-euskadi/programas/graffiti/detalle/4502174/porque-mucha-gente-actuando-mismo-momento-puede-cambiar-mundo/

    Behotsik

    , ,

  • Fair Saturday 2016an AFA Bizkaiaren alde

    Fair Saturday 2016an AFA Bizkaiaren alde

    Behotsik Orkestrak aurten ere Fair Saturday 2016 ekimenean parte hartuko du, azaroaren 26an, Alzheimerra duten gaixoen senitartekoen AFA Bizkaia elkartearen alde.

    Fair Saturday artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz. Fair Saturday rtero izugarri haziz doan proiektua da, eta aurten ozeanoz bestalde ere ospatuko da, Perun hain zuzen ere.

    Pasa den urtean ere, ekimen honetan parte hartu genuen, guretzat esperientzia aberasgarria izan zelarik. Horregatik, ez dugu aurtengo Fair Saturday 2016 edizio honetan ere parte hartzeko zalantzarik izan.

    AFA Bizkaia, Alzheimerra eta beste dementziak dituzten Gaixoen Senitartekoen Elkartea

    AFA Bizkaia 1988. urtean sortu zen familiarteko talde batek elkartzeko eta beraien eskubideak berreskatzeko beharraren aurrean. Elkartearen helburuen artean Alzheimer gaixotasuna dutenen pertsonen senitartekoentzako laguntza psikologikoa eskeintzea, gaixotasuna duten familiartekoei legezko gaietan, arlo soziologiko eta ekonomikoetan aholkamendua ematea, eta gaixotasuna duten pertsonen bizi kalitatea, ahal den neurrian, hobetzeko, laguntza erraztea, hobetzea eta erregulatzea aurkitzen dira.

    Gure ustez, Alzheimer gaitza gure eguneroko bizitzan oso ohikoa den arazoa da. Horregatik, gure harri koskorra jarri nahi dugu, ahal den heinean, gaixotasuna duten pertsonen eta beraien senitartekoen bizi kalitatea hobetzen lagundu.

    Horretarako, 2016ko azaroaren 26an kontzertua emango dugu Bilboko Itsasadarra Itsas Museoan, arratsaldeko 19:00tan. Sarrera doakoa izango da, baina donatiboak egiteko aukera egongo da, eta irabaziak AFA Bizkaia elkartearentzako joango dira.

    Gainera, kontzertu berezia izango da, izan ere, Igor Giménez gure zuzendariak bere lekua utzi eta zuzendari gonbidatua izango dugu orkestraren historian lehenengo aldiz. Kasu honetan, orain dela pare bat urte gurekin egon zen Ane Legarreta zuzendari gaztea izango dugu gidaritzan. Hurrengo egunetan programari buruzko informazio gehiago emango dugu.

    Behotsik

    , , ,

  • Arrakasta Fair Saturday kontzertuan

    Arrakasta Fair Saturday kontzertuan

    Pasa den larunbatean kontzertua eman genuen Fair Saturday mugimenduaren barruan, Bilboko Itsasadarra Itsas Museoan, Gure Señeak elkartearen alde. Itsas Museoko auditorioa guztiz bete zen, eta harrera beroa jaso genuen ikusleengandik. 500€ inguru lortu ziren Derioko Gure Señeak elkartearentzat.

    Hemendik eskerrak eman nahi dizkiegu Fair Saturdayko arduradunei, Bilboko Itsasadarra Itsas Museoari eta Gure Señeak elkarteari gurekin lan egin nahi izateagatik eta emandako erraztasun guztiengatik. Hemen duzue kontzertua zer izan zen laburbiltzen duen bideo txiki bat.

    Behotsik

    , ,

  • Fair Saturday Azpimarra saioan

    Fair Saturday Azpimarra saioan

    Gaurko arratsaldean Unai Ibañez gure kidea ETB1-eko Azpimarra saioan egon da bihar ospatuko den Fair Saturday ekimenari buruz hitz egiten.

    Behotsik

    , ,

  • Fair Saturday ekimenean Gure Señeak-en alde

    Fair Saturday ekimenean Gure Señeak-en alde

    Aurreratu genizuen bezela, Behotsik orkestrak 2015eko azaroaren 28an kontzertua emango du Fair Saturday ekimenaren barruan.

    Fair Saturday kulturaren bidez, gizartea elkartasunerantz mugiarazteko ekimena da, gehien behar dutenei laguntzeko helburuarekin. Azaroaren azken larunbatean ospatzen da, aurten azaroaren 28an izango delarik.

    Kontzertua, esan bezela, azaroaren 28an izango da, 20:00etan, Bilboko Itsasadarra Itsas Museoan, eta kontzertuan lortuko diren irabaziak Gure Señeak elkartearentzat izango dira.

    Derioko Gure Señeak elkarteak gaixotasun arraroak eta minusbaliotasun egoera bereziak dituzten Derioko umeen bizi kalitatea hobetzea du helburu, baita haienganako eta haien familienganako elkartasuna sustatzea.

    Beti bezela, kontzertura gonbidatuta zaudete, baina oraingoan, zuen laguntza gehiago behar dugu, Fair Saturday ekimenak bilatzen duen elkartasuna lortzeko.

    Behotsik

    , , ,

  • Behotsik Fair Saturday ekimenean

    Behotsik Fair Saturday ekimenean

    Behotsik orkestrak 2015eko azaroaren 28an kontzertua emango du Fair Saturday ekimenaren barruan.

    Fair Saturday kulturaren bidez, gizartea elkartasunerantz mugiarazteko ekimena da, gehien behar dutenei laguntzeko helburuarekin. Azaroaren azken larunbatean ospatzen da, aurten azaroaren 28an izango delarik. Jadanik 27 ekitaldi prestatuta daude aurtengo ediziorako.

    Behotsik parte hartuko duen lehen orkestra izango da. Hurrengo asteetan, kontzertua non izango den eta irabaziak zein Gobernuz Kanpoko Erakunderentzat izango diren esango dugu.

    Musika munduan mugitzen bazara edo mugitzen den jendea ezagutzen baduzu, www.fair-saturday.org orrialdean ekimenari batzeko aukera duzu.

    Behotsik

    ,