Jatorrizko artikulua hemen
Historiografia txinatarrak pentsamenduaren historiako enfant terriblea eta Konfuzioren etsai amorratua kontsideratzen du Xi Kang. Bere garaiko gizartea asaldatu zuen aberatsen eta txiroen arteko desberdintasunak ezabatu behar zirela esan zuenean. Bere ikonoklastia dela eta heriotzera eraman zuten, zeini lasaitasunez itxaron zion bere lautea jotzen zuen bitartean. Behotsik Gazte Orkestrako kideek aurkezten digute pertsonai hau.
Jatorrizko artikulua hemen
Bere irudia goratzeko idatzitako konposizio musikalak ziran. Egiaz trobadoreek idatzi al zituzten kantigak? Horrela izan bazen, nork egingo dio aurre erregeari… Behotsikekin denboran zehar egindako bidaiari esker, Alfonso X.ari egia guztia ateratzen ahaleginduko gara.
Jatorrizko artikulua hemen
2019ko urtarrilaren 1a. Behotsikek, gure denbora makinari esker, Vienako Inperialaren urrezko gelan, Musikvereineko eserlekuetako batean jesartzea lortu du. Radetzky Martxaren erritmora txaloak emango ditugu, Vienako Orkestra Filarmonikoaren aurrean hain zuzen ere. Egi bihurtu den ametsa… Nola lortuko ote zuten gainerako ikusleek beraien sarrera? Zer sentituko ote dute mundu osoko gabonetako jaietako ekitaldirik berezienetako batean?
Jatorrizko artikulua hemen
Behotsikekin 1930eko Soriara bidaiatzen dugu, non Anónimo izeneko artzain batek harrera egiten digun. Pertsonai honek abestiak idazten hasi zen bere ahuntzak zaintzen zituen bitartean denpora pasa moduan. Bere lorpenen artean “Los peces en el río”, “Arre borriquito” edo “Adeste fideles” bezalako hain ospetsuak diren gabonetako kantak aurki ditzakegu.
Jatorrizko artikulua hemen
Peru, aitzindari errusiar gazte bat, bere aititearekin bizi da, nor egurgilea den, basoko argigune bateko etxe batean. Egun batean Peru etxetik irteten da, lorategiko atea zabalik utziz, eta txori baten lagun egiten da. Ahate batek atea zabalik dagoela ikusten du eta inguruko urmael batean iger egitera irteten da.
Gaur Zezilia deuna da, zein Elizak musikarien zaindari sagaratuko zuen. Bere omenez kontzertu bereziak egingo dira eta komunikabideetan pasadizozko espazioren bat eskainiko zaio.
Eta besterik ez.
Egun honen botere aldarrikatzailea ahaztu dugu, eta besteak musikaren egoerari buruz kontzientziatzeko duen gaitasuna baztertzean bere izpirituari traizio egiten ari gatzaizkio, gure arima arinkeriari salduaz.
Horregatik, gonbidapena luzatzen dizuet azaroaren 22 honetan zuen adiskide agenda hartu, ezagutzen dituzuen musikariak bilatu eta “eskerrik asko” esateko.
Eskerrik asko mundu hau sutsuagoa egiteagatik, eskerrik asko nire bizitzari soinu banda jartzeagatik, eskerrik asko larritasuna nuenean lasaitzeagatik, goibel nengoenean alaitzeagatik, ni hunkitzeagatik, ni gozarazteagatik, eskerrik asko nire momentu txarrak arintzeagatik, onak hobetzeagatik, mila esker zure denbora, zure bizitza besteak zoriontsu egiteko eskaintzeagatik.
Espero dot Zezilia Deuna bakoitza gure musikarekiko konpromezua urte osoan zehar ikuskatzeko eguna izatea, kontzientzia-azterketa egiteko, guretzat musika zeinen garrantzitsua den konturatu gaitezen eta behingoz ikus dezagun zeinen gutxi baloratzen ditugun bere sortzaile eta interpretatzaileak, bere dohainak irakatsi eta zabaltzen dituztenak, eta, azken finean, gaurko egunak zentzua eukitea posible egiten duten guztiak.
Jatorrizko artikulua hemen
Edozer da posiblea ostiralero Unai Ibañezek eta Borja Mollák ekartzen diguten denbora makina radiofonikoarekin. Oraingo honetan operarik garrantzitsuenaren estreinu mundialera goaz: Mozarten Don Giovanni.
Aurreko urteetan bezela, aurten ere datorren azaroaren 24an ospatuko den Fair Saturday 2018 egunean parte hartuko dugu. Oraingo honetan, familia osoarentzat pentsatua dagoen Peru eta Otsoa obra ezaguna interpretatuko dugu Bilboko Areatzan, eta, ongizatezko kontzertua izanik, egun horretan bildutako diru guztia Ha Ha Tay – son risas de Gandiol GKEarentzat joango da.
Fair Saturday artistek eta kultura-elkarteek garatutako kultura eta giza izaerako mugimendu globala da. Artista eta kultura-elkarte hauek azaroaren azken larunbatean modu masiboan jardungo dira ekitaldi bakoitzarekin GKE edo proiektu sozial bat bultzatuz.
Orain arte Fair Saturdayren edizio internazionalena den honetan, guk ere mugak zabaldu nahi izan ditugu eta Senegalera mugitu gara Ha Ha Tay – son risas de Gandiol elkartearen bidez. Elkarteak Senegalgo iparraldean kokatutako Gandiol herriko garapen komunitarioa bultzatzeko lan egiten du. Zintzotasuna, duintasuna, gertutasuna eta pentsamendu askatasuna.
Kontzertu berezi honetarako, eta orkestrak historiko izan duen elkarlanaren ideiarekin jarraituz, ez gara bakarrik egongo. Horregatik, musikaz gain, ikuskizuna balleta eta narrazioagaz indartuko dugu.
Alde batetik, Serguéi Prokófiev musikari errusiarrak konposatutako akordeei mugimendua jartzeko, Ana Mª Aurrecoechea Balleta izango dugu gurekin. Beraien pausu eta dantzekin obrak gordetzen duen istorioa hobeto ulertzen lagunduko digute.
Beste alde batetik, Peru eta Otsoaren istorioa kontatzeko, Alabazan narratzaile taldeko Joaquin Ponte Velon eta Pedro Ruiz narratzaileak izango ditugu, beraien ahots ederrekin, musikak kontatu ezin duena jakinarazteko.
Gainera, Fair Saturdayk beti eman digun laguntzaz gain, aurten Garbikerrek parte hartuko du, kontzertu hau aurrera eramateko behar den azpiegitura guztiarekin lagunduz.
Beraz, ez ezazu ikuskizun berezi hau bizitzeko aukera galdu, eta etor zaitez datorren azaroaren 24an egingo ditugun bi emanaldietara (12:00etan euskaraz eta 13:15ean gaztelaniaz), gure gizartean hain beharrezkoa den kultura bultzatzeko.
Aurten Bilboko Udalak antolatutako Balioak Martxan sarian parte hartu dugu. Bilbotarren egunerokoa hobetzeko asmoz, helburu sozial eta gizartearen beharrei erantzuten dieten ideiak izan dira Bilbao Gazte Balioak Martxan ekimenaren protagonistak. Izan ere, gazteen ikuspegitik, balioetan oinarritutako Bilbo bat indartu nahi du Udalak.
Zorionez, sarituak izan gara aurkeztu genuen proiektuarekin, eta horren emaitza datorren azaroaren 24an emango dugun ikuskizuna izango da. #BEHoTSIKIrribarrezHAHATAY
Jatorrizko artikulua hemen
XVIII. mendean, Frantzia musikalki isolatua zegoen. Europako gainerako herrialdeetan ‘intermezzi’ eta opera bufoak nagusitzen ziren bitartean, Frantzia italiar eraginari iragazgaitz mantentzen zen.
Jean Philippe Rameau konposagilea, frantziar musikaren aldekoa, eta Jean Jaques Rousseau filosofoa, italiar musikaren jarraitzailea, bi alderdi bateraezin burutzen zituzten. Behotsikekin denboran zehar bidaiatzen dugu Rameauren Frantziararte.
Jatorrizko artikulua hemen
Behotsik orkestra eraman du Kobetamendira, eta kontzertu paregabea eskaini dute larunbat honetan.
Jatorrizko artikulua hemen
Orain dela hamar urte inauguratu zen Pozalagua kanpoaldeko auditoriumeko akustika ikusgarria omen da, 2.000 pertsonarako edukierarekin. Raneroko haitzaren atze-oihal ikaragarriarekin, udako ohiko musika jaialdia bueltan da urte oso berezi batean, Karrantzako koben aurkikuntzaren 60. urteurrena ospatzen denean. Bihar eta etzi obra klasikoak rock eta dantzarekin uztartuko dira doako bi sesiotan, lekua bete arte. Desplazamenduak errazteko, Udalak doako autobus zerbitzua prestatu du.
Karrantza. Behotsik orkestrako kideak lehenengoak izango dira eszenatokira irtetzen, bihar 20:30ean. “Karrantzan jotzeko desiatzen gaude. Nik Pozalagua ezagutzen dut, baina ez dut inoiz parte hartu auditoriumean egin den kontzertu batean”, dio Igor Giménezek, 45 pertsona biltzen dituen taldearen zuzendariak, gehienak Bilbokoak.
Ostiralean entzuleak gozaraziko dituzte “Guridi eta Arriaga” bezalako euskal konposagileak eta Beethovenen obrak eta balsak fusionatuko dituen errepertorio batekin. 22.30ean kontzertuak zenbait mendeko saltoa emango du aurrera, Caledonian Road rock taldea batzen zaienean, “Queen eta AC/DC” taldeen abestiak jotzeko, rock musikaren historiako beste talde mitikoen artean.
Programak larunbatean jarraituko du lehen mailako bi ikuskizunekin. 20:30ean entzuleek Un vasco en Sevilla ikuskizunaz gozatu ahal izango dute, Mikel del Valle dantzari eta koreografoaren eskutik, eta 22:30etik aurrera, Miren de Miguel sopranoak jaialdia itxiko du Tutte contro Verdi operarekin.
Udalak Conchatik irteten den doako autobusa jarriko du 20:00etatik aurrera, Ambasaguasen geltokia duelarik. Gaur bukatzen da 94 680 60 12 telefonoan edo udala@karrantza.org korreo elektronikoan izena emateko epea.
Jatorrizko artikulua hemen
Behotsik Gazte Orkestrako kide guztiek ‘Graffiti’ko momentuak aukeratu dituzte musika jartzeko. Borja Mollák Monty Pythonen musika satirikoa jarri dio LGTBIQ+ aniztasunari. Asier Lemosek La Pegatina katalanen musika depresioari aurre egiteko, eta Unai Ibañezek Alabama taldearen musika gure baserritarrei buruz hitz egiteko.
Unai Ibáñezek aste honetan irabazi du, eta beraz, hiruhilekoa ere bai.
Aurten, 17-18 denboraldia luzatzen ari zaigu, eta datorren uztailaren 13an Karrantzako Udalak antolatzen duen Pozalagua Jaialdian parte hartuko dugu, kontzertu bikoitza emanez.
Pozalagua Jaialdia 20 urte baino gehiagoz ospatu izan da Karrantzako Pozalagua kobazuloen aurrealdean kokatuta dagoen Pozalagua anfiteatroan, antzinako dolomia harrobian zizelkatuta. Adituen arabera, berdingabeak dira bere eskala eta akustika. Horregatik, leku apropos eta polita izango da gure musika erakusteko.
Jaialdia uztailaren 13 eta 14an ospatuko da, eta sarrera doakoa izango da, musika eta dantzaz gozatzeko aukera paregabea.
Guk bi kontzertu emango ditugu uztailaren 13an, musika mota desberdin bi aurkeztuz.
Alde batetik, arratsaldeko 20:30ean kontzertu klasikoa emango dugu. Bertan, Arriaga, Guridi eta Beethovenen musika joko dugu, beste obra batzuen artean.
Beste alde batetik, gaueko 22:30ean, Symphonic Rock Tour 2.0 birarekin jarraituz, rock musikako abesti ospatsuenen errepasoa egingo dugu Caledonian Road taldeko gure lagunekin.
Gure kontzertuez gain, hurrengo egunean, Un vasco en Sevilla eta Tutte contro Verdi ikuskizunak etorriko dira, baina ez ahaztu gurekin zita duzuela Bilbao BBK Live jaialdian Aneguriarekin emango dugun kontzertuan.
Guretzat hain berezia izango den egun horretan gurekin egotea espero dugu, hain berezia den leku honetan eta mimoz prestatzen ari garen askotariko programa honekin.
Jatorrizko artikulua hemen
Beste ostiral batez, Behotsik Orkestrako gazteek Graffiti bisitatzen dute gure programazioko zenbat momenturi beraien soinu banda berezia jartzeko. Albistegiak, magazinak, kirolak… edozein gaik dauka musika posiblea, eta beraiek aproposena aurkitzen dute. Gainera, beraien asteroko erronkan, oraingoan hain desberdinak diren hiru elementu lotu dituzte, sudurra, botoia eta komuneko papera hain zuzen ere. Horretarako, “La Trinca” taldearen Oda al Papel Higiénico abesti mitikoa erabili dute.
Jatorrizko artikulua hemen
Beste aste batez Borja Mollák bere burua hobetu du lotura musikalarekin; aste honetan balea, Nerbioi ibaia eta sumendia lotu behar zituzten, tartean Franco bera agertu delarik. Borja, ordea, azkena gelditu da aste honetako entzuleen bozketan. Irati Jiménezek Lincolnen hitzaldia irakurtzen zuen momentua aukeratu du, zeini Gettysburg filmaren soinu banda jarri dion, hain zuzen ere.
Ioritz Madariagak Argentinan abortuaren despenalizazioaren berri ekarri du, Tchaikovskyren 1812 Oberturarekin erlazionatuz. Unai Ibañezek Gure Esku Dagok Gasteizeko tabernetan egindako diru-bilketaren inguruko polemikarekin irabazi du, Itziarren Semeak taldearen Todo es ETA jarri diolarik.
Egun erabakigarri honen ondoren, Unai lau botorekin gelditu da. Asier Lemosek jarraitzen dio hiru botorekin. Atzealdean, berdinduta, Ioritz Madariaga eta Borja Mollá daude, bakoitzak bi botorekin.
Datorren asteko erronka komuneko papera, botoi bat eta sudurra musikaren bitartez lotzea izango da.
Pasa den ekainaren 3ko igandean, nahiz eta arratsaldea gris eta euritsu hasi zen, bero bero amaitu genuen guztiok Aneguriarekin jo ta su dantza egiten, bere Frambuesas y Palomitas diska berriaren aurkezpenean parte hartu ondoren.
Esan bezala, arratsaldea euritsu hasi zen arren, Kafe Antzokian bildutako 200 pertsona inguruko ikusleak denak emanda egon ziren arratsalde osoan zehar. Bost multzotan banatuta egon zen ikuskizuna, Aneguriak jorratzen dituen musika mota desberdinak ekarri zituen, laster argitaratuko den eta guk parte hartu dugun Frambuesas y Palomitas diska berriarekin hasita.
Guretzat kontzertu desberdina izan zen hau, musika motagatik, tokiagatik, base bat edukitzeagatik, baita zutunik jotzegatik ere. Hala ere, gogoz hartu genuen erronka eta primeran pasatu genuen. Are gehiago, oso labur egin zitzaigun eszenatoki gainean egon ginen 20 minutu eskas horiek.
Horren ondoren, ez ginen etxera joango. Horregatik, eta Aneguriaren energiaz beteriko musika dantzagarriak lagunduta, ikusleen artean sartu eta gainerako kontzertua ikusi genuen, abesten, dantzan eta lagun artean aste bukaera bikaina edukiz.
Hemen dituzue bideo eta argazki hauek bertan bizitakoa ikus dezazuen, eta gogoratu laster errepikatuko dugula. Uztailaren 14an Bilbao BBK Live jaialdian egongo gara Aneguriarekin, beraz, etor zaitezte arratsalde ona pasa nahi baduzue.